Президенттиң «2023-жылы рәсмий сәнелерди белгилеў дәўиринде қосымша жумыс исленбейтуғын күнлерди белгилеў ҳәм дем алыс күнлерин көшириў ҳаққында»ғы пәрманына муўапық, Наўрыз улыўма халықлық байрамы мүнәсибети менен:
Бес күнлик жумыс ҳәптесинде жумыс ислейтуғын хызметкерлер – 5 күн (18-22-март күнлери);
Алты күнлик жумыс ҳәптесинде жумыс ислейтуғын хызметкерлер – 4 күн (19-22-март күнлери) избе-из дем алады.
Бес күнлик жумыс ҳәптесинде жумыс ислейтуғын хызметкерлердиң дем алыс күнлери төмендегише көшириледи:
11 март – шемби күнинен 20-март – дүйшемби күнине;
25-март – шемби күнинен 22-март – сәршемби күнине.
Соның есабынан бес күнлик жумыс ҳәптесинде жумыс ислейтуғын 11 ҳәм 25-март күнлери жумысқа шығыўына туўра келеди.
Алты күнлик жумыс ҳәптесинде жумыс ислейтуғын хызметкерлер ушын 20-март – дүйшемби ҳәм 22-март – сәршемби күнлери қосымша дем алыс күнлери болады.
Жумыс ҳәптесиниң түрине қарамастан барлық хызметкерлер ушын 23-март, пийшембиден баслап әдеттеги жумыс күни есапланады.
Сондай-ақ, 8-март (сәршемби) – Ҳаял-қызлар күни ҳәм Мийнет кодексиниң 131-статьясына тийкарланып дем алыс (жумыс ислемейтуғын) күни есапланады.
Қарақалпақстан хабар агентлиги