Усы жыл 27-февраль күни республикамыздағы район(қала)лық халық билимлендириў бөлимлерине қараслы 16 улыўма орта билим бериў мектеплеринде Инновациялық олимпиаданың 1-басқышы болып өтти. Оған пән олимпиадасында, билимлер беллесиўинде ҳәм басқа да таңлаўларда сыйлы орынларды ийелеп жүрген 4407 оқыўшы қатнасты.
8-10-класс оқыўшылары арасында өткерилген бул олимпиада тийкарынан 7 пәннен (сүўретлеў өнери, химия, биология, тарийх, физика, математика, информатика) өткерилди.
Инновациялық олимпиаданың усы жыл 10-март күни болып өтетуғын Қарақалпақстан Республикасы басқышына биринши орынды ийелеген 326 оқыўшы қатнасады.
Қарақалпақстан Республикасы Халық билимлендириў министрлигиниң мәлим етиўинше, республика көлеминде өткерилетуғын 2-басқыш онлайн тәризинде болады ҳәм барлық процесс видеобақлаўда болады.
Соның менен бирге, усы жылдың апрель айында инновациялық олимпиаданың сызыў пәнинен Өзбекстан көлеминде 3-басқышын Нөкис қаласында өткериўге таярлық көрилмекте.
Қарақалпақстан хабар агентлиги