Өзбекстан Республикасы Президентиниң
пәрманы
Мәмлекетлеримиз арасындағы көп қырлы ҳәм өз-ара пайдалы бирге ислесиўди ҳәр тәреплеме раўажландырыў, шериклик қатнасықларын буннан былай да тереңлестириў, сиясий-дипломатиялық, саўда-экономикалық, инвестициялық, билимлендириў, илим ҳәм мәдений-гуманитарлық тараўлардағы байланысларды кеңейтиўге қосып атырған үлкен үлеси, елимизде әмелге асырылып атырған избе-из реформалар ҳәм үлкен демократиялық өзгерислерди, Өзбекстан тәрепинен алға қойылып атырған глобаллық ҳәм регионаллық басламаларды жедел қоллап-қуўатлаў, сондай-ақ, халықларымыз арасындағы дослық ҳәм аўызбиршилик байланысларын барған сайын беккемлеў, узақ мүддетли ҳәм кең көлемли қатнасықларды жаңа басқышқа көтериў бағдарындағы нәтийжели жумысы ушын төмендегилер «Дўстлик» ордени менен сыйлықлансын:
Фуат Октай – Түркия Республикасы Вице-Президенти
Мантуров Денис Валентинович – Россия Федерациясы Ҳүкимети Баслығының орынбасары – санаат ҳәм саўда министри
Холид Абдулазиз ал-Фалиҳ – Саудия Арабстаны Патшалығы Инвестициялар министри
Муҳаммад бин Абдулла ал-Гаргавий – Бирлескен Араб Әмирликлери Ҳүкимет ислери бойынша министри
Люк Девин – Европа сыртқы байланыслар хызмети Шығыс Европа ҳәм Орайлық Азия бойынша басқарыўшы директорының орынбасары
Ван Яньчжи – Жипек Жолы Қорының президенти – Директорлар кеңесиниң атқарыўшы директоры (Қытай Халық Республикасы)
Дэниел Розенблюм – АҚШтың Өзбекстан Республикасындағы Айрықша ҳәм Толық ҳуқықлы Елшиси
Гулиев Гусейн Рзагулу улы – Әзербайжан Республикасының Өзбекстан Республикасындағы Айрықша ҳәм Толық ҳуқықлы Елшиси
Черникова Алевтина Анатольевна – Россия Федерациясының «МИСиС» миллий технологиялық изертлеўлер университетиниң ректоры
Малышев Владимир Сергеевич – Пүткилроссия мәмлекетлик кинематография институтының ректоры
Трегулова Зельфира Исмаиловна – Третьяков Мәмлекетлик галереясының Бас директоры (Россия Федерациясы)
Зиядуллаев Наби Саидкаримович – Ташкент мәмлекетлик экономика университетиниң илимий кеңесгөйи
Өзбекстан Республикасы
Президенти Ш.МИРЗИЁЕВ.
Ташкент қаласы,
2022-жыл 29-август