13-июнь күни футбол бойынша Миллетлер Лигасыныӊ 4-турынан орын алған бир қатар ойынлар болып өтти.
Францияда болып өткен ойында әмелдеги жәҳән чемпионлары вице-чемпион Хорватияны өз майданында қабыллап, 0:1 есабында жеӊилип қалды. Ушырасыўдағы гол 1-таймныӊ 5-минутында Лука Модрич тәрепинен пенальтиден урылды.
Ал, Австрияны өз майданында қабыллаған Дания, Беларусь пенен ойнаған Азербайжан, 2:0 есабында жеӊиске еристи.
Сондай-ақ, 3-турда Словакияны мийманда жеӊип өз жанкүйерлерин қуўанышқа бөлеген Қазақстан, өз майданында да 2:1 есабында жеӊисти қолға киргизди.
Исландиялы футболшылар болса, Израил менен 2:2 есабында ойнап өз-ара бир упайдан бөлисип алды.
Адилбай Оразов,
Ⱪарақалпақстан хабар агентлиги шолыӯшысы