Белгили дәректе көрсетилиўинше, «Милан» Пабло Мариге қызығыўшылық билдирмекте. Италиялылар қорғаныўды күшейтиўге ҳәрекет етпекте.
Мари «Арсенал»ға тийисли, бирақ өткен мәўсимди «Удинезе»да ижарада өткерди. 28 жастағы футболшының Лондонда даўамлы ойын әмелиятына ийе болыў итималы аз.
Испаниялы футболшының баҳасы шама менен 5 миллион евроға баҳаланбақта. Футболшының шәртнамасы 2024-жылға шекем мөлшерленген.
Холанд Норвегия сайланды командасы тарийхындағы ең жақсы топурарлар онлығына кирди
Эрлинг Холанд Швецияға қарсы ойындағы дублден соң сайланды командасындағы голлары санын 20 ға жеткерди. Бул мәмлекет тарийхындағы оныншы нәтийже болып есапланады.
Қызық жери сонда, Холандтың әжайып статистикасы бар. 20 гол ушын футболшыға 21 ойын керек болған.
Соның менен бирге, Эрлинг тез арада бул барыста жетекши болып алыўы мүмкин. Биринши орында Ян Ааге Фюортофт. Оның есабында 33 гол бар.
Азизбек Дабылов,
ҚМУдың Интернет журналистикасы тәлим бағдарының 3-курс студенти
Қарақалпақстан хабар агентлиги