11-июнь күни Европаныӊ бир қатар қалаларында футбол бойынша Миллетлер Лигасы турниринде 3-тур ойынлары өткерилди.
Әсиресе, бул ойынлар ишинде дүнья футбол жанкүйерлериниӊ нәзери Англия ҳәм Италия сайланды командалары арасындағы ушырасыўға қаратылды. Ойында командалар гол урыўға қаншелли ҳәрекет етседе есап ашылмады ҳәм командалар 1 упайдан өз-ара бөлисип алды.
Ал, усы турнир жеӊимпазлығына тийкарғы даўагерлерден бири Германия болса сапарда Венгрия сайланды командасы менен ушырасты ҳәм 1-1 есабында ойынды жуўмақлаўға мәжбүр болды.
Нидерландия ҳәм Польша арасындағы ойында да командалар 1 упайдан өз-ара бөлисти. Есап 2-2.
Қалған ойынлар болса, төмендегише есап пенен жуўмақланды.
Уэльс — Бельгия 1:1, Украина — Армения 3:0, Ирландия — Шотландия 3:0, Черногория — Босния ҳәм Герцоговина 1:1, Румыния — Финляндия 1:0, Фарер атаўлары — Литва 2:1, Люксембург — Туркия 0:2.
Адилбай Оразов,
Ⱪарақалпақстан хабар агентлиги шолыӯшысы