Сурхандәрья ўәлаятының Термиз қаласында кураш бойынша 2007-2008-жыллары туўылған жас өспиримлер ҳәм қызлар арасында болып өткен Өзбекстан Республикасы чемпионатында республикамыздың жас палўанлары сыйлы орынларыды ийелеп қайтты.
Атап айтқанда, командамыз ағзаларынан Шымбай районынан Қундыз Бектурсынова 36 килограмм салмақ категориясында биринши орынды ийеледи. Сондай-ақ, 33 килограмм салмақта Нөкис қаласынан Айсулыў Асаматдинова, 83 килограммнан жоқары салмақ категориясында Қуяш Өскинбаевлар үшинши орынларды қолға киргизди.
Бул спортшыларды жарысқа тренерлер Баймурат Үббиев, Әлибек Жамешов ҳәм Низаматдийин Хожабаевлар таярлады.
Султанбек ҚЫДЫРБАЕВ,
Бердақ атындағы Қарақалпақ мәмлекетлик университетиниң студенти
Қарақалпақстан хабар агентлиги