Өткен дем алыс күнлери Европаныӊ бир қатар қалаларында футбол бойынша Европа Миллетлер лигасыныӊ топары басқышыныӊ 1-туры шеӊберинде бир қанша ойынлар болып өтти.
Еӊ қызықлы ойынлардыӊ бири Италия ҳәм Германия сайланды командалары арасында болып өтти. Ушырасыўдыӊ 70-минутында Лоренцо Пеллегрини есапты ашып Италияны алдыға алып шыққан болса, 73-минутта Киммих Германияныӊ жуўап тобын урыўға миясар болды.
Ал, Англия болса, Венгрияға қарсы ойынға түсип, күтилмегенде жеӊилиске ушырады. Түркия сайланды командасы Фарер атаўлары футболшыларын 4-0 есабында жеӊип шықты.
Сондай-ақ, Армения – Ирландияны 1:0, Черногория-Румынияны 2-0, Люксембург мийманда Литваны 2-0, Грузия-Болгарияны 5-2, Норвегия-Швецияны 1-2, Португалия өз майданында Швейцарияны 4-0, Сербия- Словенияны 4-1 есабында жеӊип шыққан болса, Чехия ҳәм Испания арасындағы ойын 2-2 есабы менен жуўмақланды.
Адилбай Оразов,
Ⱪарақалпақстан хабар агентлиги шолыӯшысы