Кеше футбол бойынша Европа Миллетлер лигасыныӊ топар басқышында 1-тур ойынлары болып өтти.

Онда Испания сайланды командасы Португалиялы футболшыларды өз майданында қабыллады. Ойынныӊ 25-минутында  Альваро Мората майдан ийелерине алдынға алып шыққан болса, 82-минутта Рикардо Орта Испания дәрўазасына гол урып Португалияны жеӊилистен қутқарып қалды.

Соны атап өтиўимиз керек, Португалия сайланды командасы сәрдары Криштиану Роналду ушырасыўдыӊ 62-минутында майданға түсти.

Сондай-ақ, кеше Европаныӊ басқа бир қатар қалаларында да Миллетлер лигасыныӊ 1-тур ойынлары болып өтти. Онда төмендегише нәтийжелер көрсетилди.

Сербия – Норвегия 0:1, Болгария – Арқа Македония 1:1, Грузия – Гибралтар 4:0, Эстония – Сан-Марино 2:0, Кипр – Косово 0:2, Словения – Швеция 0:2, Чехия – Швейцария 2:1, Арқа Ирландия – Греция 0:1, Израил – Исландия 2:2, Польша – Уэльс 2:1.

Адилбай Оразов,

Ⱪарақалпақстан хабар агентлиги шолыӯшысы