Усы жылдың 3-7-май күнлери аралығында Қарақалпақ мәмлекетлик университети спорт сарайында волейбол бойынша XXIX Өзбекстан чемпионатының төртинши тур ойынлары болып өтти.
Өткерилген төрт турдың жуўмақлары бойынша Қарақалпақстан Республикасынан қатнасып атырған Нөкис мәмлекетлик педагогикалық институтының қызлар сайланды командасы улыўма 42 упай менен 1-орында бармақта.
Командамыздан соң 40 упай менен Наманган, ал оннан кейинги орынды 39 упай менен Әндижан командасы ийелеп турыпты.
Жуўмақлаўшы бесинши тур ойынлары усы жылдың 24-31-май күнлери аралығында Жиззақ қаласында болып өтеди.
Мағлыўмат орнында атап өтиў керек, усы жылдың июнь айында волейбол бойынша Өзбекстан ҳаял-қызлар сайланды командасы Таиландта болып өтетуғын Азия чемпионаты ҳәм Challenge кубогы жарысына қатнасады. Сайланды командаға спорт ветераны Азат Казаков тренерлик етеди.
Әҳмийетлиси, НМПИ командасының 3 ойыншысы – Дене мәденияты факультети 3-курс студентлери Н.Рейимбаева ҳәм У.Турғанбаева, сондай-ақ, 2-курс магистранты А.Жолдасбаевалар Өзбекстан сайланды командасы қурамында усы жарысларға қатнасыўы күтилмекте.
Ислам Матеков,
Қарақалпақстан хабар агентлигиниң шолыўшысы.