Бугун Германиянинг Берлин шаҳрида шахмат бўйича “The Armageddon Championship Series” чемпионати доирасидаги “Asia & Oceania” турнири бошланади.
ФИДE рейтингида кучли 50 таликдан жой олган шахматчилар иштирок этаётган мазкур турнирда Осиё-Океания минтақасининг 6 нафар номдор шахматчиси билан биргаликда Нодирбек Абдусатторов ҳам ғолиблик учун кураш олиб боради.
Мусобақада қатнашаётган Абдусатторов илк ўйинини ҳиндистонлик Видит Гужратига қарши ўтказади.
Осиё-Океания минтақаси баҳслари 9 апрелга қадар давом этади.
Эслатиб ўтамиз, “The Armageddon Championship Series” турнири «Африка-Европа», «Америка», «Осиё-Океания», «Аёллар ҳафталиги» босқичларида ўтказилиб, сўнгги «Гранд-финал» чемпионлик учрашувлари билан поёнига етади.
Т. Рўзиев, ЎзА