Рио-де-Жанейро ва Париж шаҳарларига 2016 ҳамда 2024 йилги ёзги олимпия ўйинларини ўтказиш ҳуқуқини қўлга киритишда ёрдам берган Vero Communications агентлиги ўз фаолиятини тўхтатди.
Бу қарор мазкур агентлик асосчиси ва раҳбари Майк Лининг 61 ёшида вафот этганидан сал кам уч йил ўтиб қабул қилинди, дея хабар тарқатди insidethegames.biz сайти.
Ли ўзининг Vero компаниясига 2012 йилги Лондон олимпиадаси ва паралимпия ўйинларида мезбонлик қилиш ҳуқуқини қўлга киритганидан сўнг асос солган ва уни спорт оламидаги асосий стратегик алоқа компанияларидан бирига айлантирганди.
Британиялик Ли ва унинг компанияси 2016 йилги Рио-де-Жанейро, 2018 йилги Пхёнчхан ва 2024 йилги Париж, шунингдек, 2018 йили Буенос-Aйресда ўтган ўсмирлар олимпиадасини қўлга киритишда муваффақиятли иштирок этган.
2006 йили ташкил этилган Vero, шунингдек, регби-етти ва серфингда муваффақият қозониб, олимпиада дастурида, президентлик ва бренд яратиш бўйича кўплаб кампанияларда ўз ўрнига эга эди.
Унинг сўнгги мижозлари орасида 2026 йили AҚШ, Канада ва Мексикада бўлиб ўтиши кутилаётган футбол бўйича жаҳон чемпионатига мезбонлик қилиш учун курашаётган Балтимор ва 2030 йилги Осиё ўйинларига даъвогарлик қилган Aр-Риёд шаҳарлари бор эди.
Т. Рўзиев. ЎзА