Ҳар қандай сифатсиз дори воситаси инсон саломатлиги учун жиддий хавф туғдириши ҳеч кимга сир эмас. Ҳатто бундай маҳсулотнинг ножўя таъсири ўлимга сабаб бўлиши мумкин.

Шу туфайли  Соғлиқни сақлаш вазирлиги ҳузуридаги Фармацевтика тармоғини ривожлантириш агентлигининг Дори воситалари, тиббий буюмлар ва тиббий техника экспертизаси ва стандартлаштириш маркази томонидан сифатсиз, контрафакт, яроқлилик муддати тугаган фармацевтик маҳсулотларни аниқлаш ва экспертизадан ўтказиш бўйича қатор ишлар амалга оширилмоқда.

Хусусан, ўтган 2021 йил ушбу марказга келган мурожаатларга кўра, 7490 турдаги 1 578 500 ўрам дори воситалари ва тиббий буюм экспертизадан ўтказилди. Натижада:

– 1618 турдаги 72 774  ўрам ёрлиқлаш бўйича меъёрий ҳужжатлар талабларига мос келмаслиги (контрафакт);

– 24 турдаги 13 785 ўрам қалбакилаштирилган дори воситалари (Тебантин, Актемра, Сомнол®, Зардекс, Diprospan®, Урсосан, Церебролизин®, Редуксин, Спирт, Меновазин, Лайботен, Неотон, Тиоцетам, L-Лизина Эсцинат®, Милдронат, Актовегин, Ретаболил Ремдесевир (covifor), Актовегин, Спирт, Лайфон, Тропикамид, Тридокс, Зардекс) бир неча маротаба такрорланганлиги;

– 396 турдаги 2794 ўрам дори воситалари ва тиббий буюмлар яроқлилик муддати тугагани (сифатсиз);

– 2578 турдаги 709 347 ўрам дори воситалари ва тиббий буюмлар давлат рўйхатидан ўтмаганлиги;

– 2874 турдаги 779 800 ўрам дори воситалари ва тиббий буюмларнинг мувофиқлик сертификатлари мавжуд эмаслиги аниқланди ва қонуний чора кўрилиши учун ҳуқуқни муҳофаза қилиш органларига маълумотлар тақдим қилинди.

ЎзА