Яқинда «E-auksion» электрон савдо платформаси орқали ижарага бериш тизими амалиётга киритилди. Мазкур тизимдаги қулайликларни аҳолига етказиш мақсадида жойларда семинар-тренинглар ўтказилмоқда.
Электрон онлайн-аукционларни ташкил этиш маркази ходимлари томонидан ташкил этилаётган шу каби тадбирларда ҳоким ёрдамчилари, «Темир дафтар», «Аёллар дафтари» ва «Ёшлар дафтари»га киритилган фуқаролар иштирок этяпти.
Семинарларда қишлоқ хўжалигига мўлжалланган ер участкаларини ижарага олишда алоҳида имтиёзлар берилганлиги ва очиқ танловда қатнашиш тартиби юзасидан маълумот бериб бориб келиняпти.
2022-2025 йилларда Қорақалпоғистон Республикаси ва вилоятлардаги ҳосили паст ва пахта ва ғалладан қисқартирилган 200 минг гектар экин майдонлари босқичма-босқич захирага қайтарилиши кўзда тутилган.
Семинарларда бундай ерлар деҳқон хўжалиги ташкил этиб, сабзавотчилик, полиз, дуккакли, мойли экинлар, картошка етиштирмоқчи бўлган фуқароларга 10 йил муддатга ижарага берилиши айтиб ўтилмоқда.
Мафтуна КАРИМОВА, ЎзА