Жорий йилнинг 17-20 сентябрь кунлари Нукус шаҳрида II Халқаро бахшичилик санъати фестивали бўлиб ўтади.
Давлатимиз раҳбари Шавкат Мирзиёевнинг 2021 йил 10 апрелдаги «II Халқаро бахшичилик санъати фестивалига тайёргарлик кўриш ва бахшичилик санъатини ривожлантириш учун қулай шарт-шароитлар яратишга доир қўшимча чора-тадбирлар тўғрисида»ги қарори асосида ушбу тадбирга қизғин тараддуд кўрилмоқда. Халқаро фестивалга дунёнинг бир қатор давлатларидан меҳмонлар ташриф буюриши кутиляпти. Жумладан, халқаро ташкилот мутасаддилари, экспертлар, маҳаллий маданий мерос, илм-фан, санъат ва бошқа соҳа экспертлари ҳамда ОАВ вакиллари иштирок этиши режалаштирилган.
Ҳозирда Нукус шаҳридаги амфитеатр ҳамда И. Савицкий номидаги Қорақалпоқ давлат санъат музейи олдидаги майдонларда тайёргарлик ишлари авжида.
Мақсад ҲАБИБУЛЛАЕВ(сурат), ЎзА