Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси бўлиб ўтмоқда.
Унда якунланаётган йил сарҳисоб қилинмоқда.
“Болаларни мактабгача таълим билан қамраб олиниш даражаси 4 йилда 2 баробар ошиб 60 фоизга етказилди. Боғчалар сони эса 3 баробарга кўпайиб, 14 мингдан ошди”, деди давлат раҳбари.
Олий таълим муассасаларига қабул параметрлари 2016 йилга нисбатан 2,5 баробарга ўсди. Ёшларимизни олий таълим билан қамраб олиш даражаси 9 фоиздан 25 фоизга етди. Эҳтиёжманд оилаларнинг мингга яқин қизлари илк бор олий ўқув юртларига алоҳида давлат грантлари асосида қабул қилинди.