Бугун Ўзбекистон Республикаси Вазирлар Маҳкамаси томонидан қабул қилинган фармойиш асосида 2020-2021 йилларда Бухоро, Нукус, Хива ва Урганч шаҳарлари атрофида жами ўттиз километр масофада “яшил белбоғ” барпо этилади.
Бу орқали Қорақалпоғистон Республикаси, Бухоро ва Хоразм вилоятларида аҳолининг яшаш шароитини яхшилаш, экологик ҳолатни соғломлаштириш ва мазкур ҳудудларни шамол таъсиридан ҳимоялаш мақсад қилинган.
Қолаверса, “яшил белбоғ” келгусида Бухоро, Нукус, Хива ва Урганчни тупроқ эррозиясидан сақлаш, қум кўчкиларининг олдини олиш ва минтақада мўътадил микроиқлим шароитини яратишга хизмат қилади.
ЎзА