Португалиялик мураббий “МЮ”ни тарк этгач, жамоа футболчилари Жозе ва унинг жамоада тутган ўрни, қилган ўзгаришлари ҳақида сўзлаб беришди. Хусусан, француз футболчиси Поль Погба ҳам.
“Моуриньо мени бошқа позицияда ўйнатишга қарор қилган эди. Менга эса бу ёқмади. Унга ҳаммасини, бу услуб менга ёқмаётгани, ҳимояланишда эмас кўпроқ ҳужумга ёрдам беришим кераклигини бир неча бор тушунтиришга уриндим.
Жозе эса, ўзи истаган жойда ўйнашим кераклигини айтди. Табиийки, мен бунга кўнмадим. Шундан сўнг, ОАВдаги чиқишларида мени мухлисларга ёмон кўрсата бошлади. Кўриб турганингиздек ҳозир у янги жамоа қидиряпти”, – дея бош мураббийга пичинг қилган жаҳон чемпиони.
Эслатиб ўтамиз, Жозе Моуриньо истеъфога чиққанидан сўнг, “қизил иблислар”нинг бир қанча футболчилари ўз хурсандчилигини яшира олмаган ва ана шундай ўйинчилардан бири Поль Погба эди.
ЎзА