26 май куни Шимолий-ғарбий ҳарбий округида биринчи маротаба умум таълим мактаблари 10-синф ўқувчилари ўртасида «Темурбеклар» ҳарбий спорт мусобақасининг Қорақалпоғистон Республикаси босқичи ўтказилди. 
Мусобақа Ўзбекистон ёшлар иттифоқи Қорақалпоғистон Республикаси Кенгаши, Қорақалпоғистон Республикаси Халқ таълими вазирлиги, Мудофаа бошқармаси, Ички ишлар вазирлиги, Соғлиқни сақлаш вазирлиги билан ҳамкорликда ташкил этилган бўлиб, унинг мақсади – миллий спорт марказларини маҳаллаларда, аҳоли ва ёшлар ўртасида тарғиб қилиш, ёшларнинг бўш вақтини мазмунли ўтказиш, улар ўртасида миллий спорт алоқаларини йўлга қўйишдан иборат. 
Мусобақанинг финал босқичида 5 жамоа 9 та шарт бўйича иштирок этдилар. Мусобақа якунида Нукус шаҳридаги 24-сон умум таълим мактабининг «Лочин» жамоаси биринчи, Шўманой туманидаги 9-сон умум таълим мактабининг «Турон» ва Хўжайли туманидаги 3-сон умум таълим мактабининг «Мангуберди издошлари» жамоаси иккинчи, Тўрткул туманидаги 10 сон умум таълим мактабининг «Умид» жамоаси учинчи ўринни эгаллади. 
Мусобақа ғолиблари Ўзбекистон ёшлар иттифоқи Қорақалпоғистон Республикаси Кенгаши томонидан тайёрланган кубок, диплом ва эсдалик совғалари билан тақдирланди.
Қорақалпоғистон хабар агентлиги