Хитойдаги Shensi провинциясининг “Shaanxi Radio and Television Integrated Media Group” компанияси Бухорода “Юлдузли осмон афсонаси” кўрсатувини суратга олди.
Ток-шоунинг асосий мавзуси “Чой ва Буюк ипак йўли”. “Бир пиёла чой устида” жанридаги кўрсатув Бухоронинг Пойи Калон ансамблида суратга олинди. Бунга сабаб, ушбу меъморий ансамбл – Шанхай Ҳамкорлик Ташкилотининг “Саккизинчи мўъжизаси” деб тан олинган.
Маълумот учун: Бухоронинг бош Регистон майдонидаги Пойи Калон меъморий ансамбли ШҲТнинг “Саккиз мўъжизаси” рўйхатига киритилган.
Мажмуа XII-XVI асрларда қурилган ва иккита мадраса – Мир Араб ва Амир Олимхон, Калон минораси ва шу номдаги масжиддан иборат.
Хитой телеканалларида эфирга узатиладиган ушбу кўрсатув Бухорога хитойлик сайёҳлар оқимининг янада ошишига хизмат қилади.
Зариф Комилов, ЎзА мухбири