Қўшма Штатлар маъмурияти Туркия компанияларига нисбатан киритган санкция Швециянинг НАТОга аъзо бўлиши жараёнига таъсир қилади, деган хавотир йўқ. Бу ҳақда Давлат департаменти матбуот котиби Мэттью Миллер маълум қилди.  

– Биз Туркия ҳукумати билан конструктив, илиқ муносабатдамиз, – деди Миллер. – Ушбу мамлакат бизнинг муҳим иттифоқдошимиз. Шунинг учун ҳеч қандай хавотирга ўрин йўқ.

Унинг сўзларига кўра, АҚШ Швецияни Шимолий Атлантика альянсига қабул қилиш бўйича Туркия билан “ишлашда давом этяпти”, Анқара эса санкция бўйича ҳануз муносабат билдирмаган.

АҚШ ҳукумати Туркиянинг икки кема созлаш компанияси, шу корхоналардан бирининг раҳбари ҳамда воситачи компанияни, Вашингтон тахминича, Россияга электроника етказиб беришга алоқадор, дея “қора рўйхат”га қўшган.