Енгилмас боксчимиз Баҳодир Жалолов куни кеча журналистларга берган интервьюсида келгуси режалари ҳақида сўз юритди.

—Жошуа ёки Усик билан жанг ўтказишим борасида саволлар бериляпти. Ҳар қандай жангга тайёрман. Ўзим ҳам Жошуа, Усик сингари номдор боксчилар билан рўбарў келишни истардим, — деди Б.Жалолов.

Янги промоутерлик компанияси билан шартнома имзолагани, 3-4 та жангдан кейин топ-10 даги яхши рақиблар билан учрашув ўтказилиши ваъда қилингани, кейинги йил ҳам профессионал боксда 2-3 та жанг ўтказишини билдириб ўтди.

Эслатиб ўтамиз, Жалолов 27 август куни АҚШда ўтказилган жангда нигериялик Онориоде Эҳвариемени илк раунддаёқ нокаутга учратиб, ўзининг 13-ғалабасини тантана қилган эди.

Т.Рўзиев, ЎзА