Офтоб уриши туфайли Японияда бир неча кун ичида 3 964 киши касалхонага ётқизилди, деди маъмурий ишлар ва коммуникация вазири Такэаки Мацумото Токиода уюштирилган матбуот анжуманида. “ТАСС” хабарига кўра, жабрланганларнинг ярмидан кўпи кекса.
“Аҳолини иссиқ урганда қўлланадиган асосий чоралардан фойдаланиш, яъни, мунтазам равишда керакли миқдорда сув ичишга чақирамиз”, – таъкидлаган мулозим. Японияда энг иссиқ давр июль ва августга тўғри келади.
Сўнгги кунларда мамлакатнинг кўплаб ҳудудларида ҳарорат Цельсий бўйича 35 даражадан ошмоқда. Кун чиқар юртда ҳар йили иссиқ уриши туфайли минглаб одамлар касалхонага ётқизилади, юзлаб ўлим ҳолати қайд этилади.