«Ózbekstan – 2030» strategiyasın «Qorshaǵan ortalıqtı qorǵaw hám «jasıl ekonomika» jılında ámelge asırıw boyınsha Mámleketlik baǵdarlama hám onı tastıyıqlaw haqqında»ǵı Ózbekstan Respublikası Prezidenti pármanınıń joybarı islep shıǵılıp, keń jámiyetshiliktiń dodalawı ushın járiyalandı.
Mámleketlik baǵdarlama joybarında 5 áhmiyetli baǵdar boyınsha 2025-jıl ushın ámeliy ilajlar, normativlik-huqıqıy hújjetler dizimi hám maqsetli kórsetkishler názerde tutılmaqta.
Baǵdarlama joybarı Oliy Majlis Nızamshılıq palatasında qızǵın dodalanbaqta, frakciyalar hám komitetlerdiń májilislerinde tolıq kórip shıǵılmaqta. Siyasiy partiyalardıń frakciyaları hám komitetler aǵzaları usı baǵdarlamalıq hújjettiń mazmun-mánisi hám áhmiyeti haqqında óz múnásibeti hám usınısların bildirmekte.
– Mámleketlik baǵdarlama joybarında mámleketimizdi kompleksli rawajlandırıw boyınsha barlıq taraw hám baǵdarlar boyınsha bıyılǵı jılı ámelge asırılatuǵın áhmiyetli maqset-wazıypalar belgilep alınǵan, – deydi deputat ÓzLiDeP frakciyası aǵzası Xushvaqt Hayitov. – Ásirese, sanlastırıw, xalıqtı isbilermenlikke tartıw, sonday-aq, sociallıq qorǵawǵa mútáj qatlamdı qollap-quwatlaw, bunday shańaraq perzentleriniń bilim alıwı, málimleme texnologiyaların ózlestiriwi ushın sharayatlar jaratıw, sonıń menen birge, olarǵa keleshekte mámleketlik grant tiykarında kvotalar ajıratıw máseleleri óz kórinisin tapqanı itibarlı. Onnan tısqarı, jasıllıqtı keńeytiw «jasıl ekonomika»nı rawajlandırıwǵa qaratılǵan keń kólemli wazıypalar názerde tutılıp atırǵanı ayrıqsha áhmiyetke iye. Joybardaǵı ilajlar mámleketimizdiń rawajlanıwına, turmısımızdı jáne de jaqsılawǵa xızmet etedi.
Haqıyqatında da, 2025-jılǵı mámleketlik baǵdarlama joybarında názerde tutılıp atırǵan barlıq baǵdardaǵı maqset-wazıypalar ertengi kúnimizdi jáne de abadan etiwge, mámleketimizdiń rawajlanıwın joqarı tekshege kóteriwde áhmiyetli orın tutadı. Hújjet joybarı keń jámiyetshiliktiń dodalawı ushın xalıqshıl hám turmıslıq hújjetke aylanatuǵını anıq.
Muhtarama Komilova, ÓzA