Qaraqalpaqstan Respublikası Bajıxana basqarmasında hár piyshembi – huqıqbuzarlıqlarǵa qarsı profilaktika kúni sıpatında turaqlı túrde ótkeriliwi dástúrge aylanǵan.
“Dawıt ata” shegara bajıxana postında profilaktikalıq ushırasıw bolıp ótti.
Ilajda usı shegara bajıxana postı arqalı háreketlenip atırǵan puqaralar menen ótkerilgen profilaktikalıq ilaj bajıxana qadaǵalawı tártip-qaǵıydalarına baǵıshlandı.
Onda bajıxana postı xızmetkerleri tárepinen post arqalı háreketlenip atırǵan puqaralarǵa bajıxana shegaraları arqalı tovar-materiallıq baylıqlardı alıp ótiw normaları hám dáwirliligi boyınsha keń túrde túsinikler berildi. Bajıxanadan alıp ótiw normalarınan artqan tovarlarǵa óndiriletuǵın bajıxana tólemleriniń túrleri hám stavkaları boyınsha da maǵlıwmatlar berildi.
Puqaralarǵa bajıxana tártip-qaǵıydaları boyınsha jazba qollanbalar, bukletler tarqatıldı.
Qaraqalpaqstan xabar agentligi