Jəmiyettiń rawajlanıwına keri tásirin kórsetiwshi “korrupciya” illetin keń jámiyetshilik, hər bir puqara menen birgelikte həreket etip jeńiw múmkin. Bul jolda huqıqıy úgit-nəsiyatlaw həm profilaktikalıq ilajlardıń əhmiyeti úlken.

“Nókis-aeroport” shegara bajıxana postı arqalı “Nókis-Aqtaw” reysi menen ushıp baratırǵan puqaralarǵa bajıxana nızamshılıǵındaǵı tərtip-qaǵıydalar boyınsha maǵlıwmatlar berildi.
Ilajda bajıxana qadaǵalawınan ótiw processlerinde bajıxana nızamshılıǵına qatań əmel etiw, qadaǵan etilgen tovar-materiallıq baylıqlardı bajıxana shegaraları arqalı alıp ótiwge urınbaw boyınsha túsindiriw jumısları alıp barıldı.
Sonıń menen birge, millettiń rawajlanıwına tusaw bolǵan korrupciyaǵa jol qoymaw, hár qanday jaǵdayda da bajıxana xızmetkerlerine “para” usınıs etpew, eger, bajıxana uyımlarınıń xızmetkerleri tərepinen dámegóylik, materiallıq məpdar bolıwǵa urınıw jaǵdayları ushırassa, Bajıxana komitetiniń 11-08, Qaraqalpaqstan Respublikası Bajıxana basqarmasınıń (61) 224-90-86 isenim telefon nomerlerine qońıraw etip, xabar beriwi soraldı.

Qaraqalpaqstan xabar agentligi.