Oraylıq banktiń Tashkent qalalıq bas basqarmasınıń baslıǵı Majid Tohirov Internet arqalı keń tarqalıp atırǵan 100 mıń sumlıq banknotanıń dizayni hám súwretleri boyınsha rásmiy bayanat berdi, dep xabar bermekte UzNews.
Majid Tohirov súwrettegi banknota rásmiy emes ekenligin bildirdi.
«Bunday maǵlıwmat tek ǵana Oraylıq banktiń rásmiy saytında járiyalanǵannan soń maǵlıwmatqa rásmiy dep qaraw múmkin», – dedi Tohirov.
Ol xalıqtıń arasında usınday ótiriklerdi tarqatatuǵın hám qálbeki banknotalardıń súwretlerin járiyalaytuǵın sociallıq tarmaq paydalanıwshılarına shara kóriw Oraylıq banktiń wákilligine kirmeytuǵınlıǵın da atap ótken.
Islam Matekov,
Qaraqalpaqstan xabar agentliginiń sholıwshısı.