Keniyalı atlet Rut Chepngetich marafon boyınsha 2023-jılı Berlin marafonında efiopiyalı Tigist Assefaǵa tiyisli jáhán rekordın jańalawǵa eristi.
Atap aytqanda, Chepngetich Chikago marafonında 42 km 195 m aralıqtı 2 saat 9 minut 57 sekund ishinde basıp ótip, marafondı 2 saat 10 minuttan az waqıt ishinde juwırıp ótken dáslepki hayal sportshıǵa aylandı.
Solay etip, keniyalı atlet burınǵı ornatılǵan rekord nátiyjeni derlik eki minutqa ózgertiwge miyasar boldı.
Sonı aytıp ótiwimiz kerek, bunnan aldınǵı efiopiyalı Tigist Assefa tárepinen ornatılǵan rekord 2 saat 11 minut 53 sekund edi.
Adilbay Orazov,
Qaraqalpaqstan xabar agentligi sholıwshısı.