Rimde ózbekstanlı diplomatlardıń Italiya Parlamenti senatınıń aǵzası, burınǵı sırtqı isler ministri Djulio Terc idi Sant´Agata menen ushırasıwı bolıp ótti. Onda Ózbekstan hám Italiya, sonday-aq, Evropa awqamı arasındaǵı birge islesiw perspektivaları dodalandı.
Sońǵı eki jıl ishinde eki mámleket arasındaǵı qatnasıqlar strategiyalıq birge islesiw dárejesine kóterildi. Sawda-ekonomikalıq, mádeniy-gumanitarlıq hám basqa da áhmiyetli tarawlardaǵı baylanıslar izbe-iz rawajlanbaqta.
Italiya senatorı Evropa Awqamı hám Ózbekstan arasındaǵı kóp táreplemeli qatnasıqlardı jáne de bekkemlew zárúr ekenligin atap ótti. Onıń atap ótiwinshe, Evropa Awqamınıń basqa mámleketler sıyaqlı Italiyada da xalıqaralıq siyasat máseleleri úlken áhmiyetke iye bolıp, Italiya Senatında qabıl etilip atırǵan nızamshılıq hújjetleriniń 70-75 procenti Evropa hám xalıqaralıq isler boyınsha komitet qatnasıwında kórip shıǵıladı.
Sonday-aq, Ózbekstannıń Italiyadaǵı elshisi Abat Fayzullaev senator menen eki hám kóp tárepleme ilajlar, sonıń ishinde, 2024-2025-jılları ótkeriliwi rejelestirilip atırǵan iri biznes forumlardı shólkemlestiriw máselelerin dodaladı.
Aziza Alimova tayarladı, ÓzA