Qaraqalpaqstan xabar agentligi Nawrız – ulıwma xalıqlıq bayramı múnásibeti menen berilgen 5 kúnlik dem alıs kúnleri qaraqalpaqstanlı jurnalistler qay jerlerge sayaxatqa barıwı haqqında maǵlıwmatlardı topladı.

Maǵlıwmatlarǵa qaraǵanda, Qaraqalpaqstan balaları hám jas óspirimleriniń súyikli gazetası «Jetkinshek» redakciyası jámááti usı jıldıń 18-mart kúni hám Qaraqalpaqstan zıyalılarınıń gazetası «Ustaz jolı» redakciyası jámááti 20-mart kúni «Dúnyanıń jamalı» dep táriyp beriletuǵın Samarqand wálayatına sayaxat shólkemlestirmekte.

Redakciyalar jámááti sayaxat dawamında Birinshi Prezidentimizdıń qoyımshılıǵına zıyarat etip, Samarqandtaǵı dúnyaǵa belgili tariyxıy estelikler menen orınlardı barıp kóriwdi, olar menen jaqınnan tanısıwdı rejelestirmekte.

Islam Matekov,

Qaraqalpaqstan xabar agentliginiń sholıwshısı.