Oraylıq bank Mámleketlik basqarıw akademiyasında mápdar ministrlikler, uyımlar hám kommerciyalıq banklerdiń wákilleri ushın jumıstı bólip alıp islewshi shólkemlerin joybarlı qarjılandırıw hám xalıqqa turaq jaclardı eskrou esap-betleri arqalı satılıwın jolǵa qoyıw temasında seminar shólkemlestirildi.
Seminarda kóshpeli múlklerdi úles kirgiziw tiykarında qurıw procesin tártipke salıw hám xalıqqa turaq jaylardı eskrou esap-betleri arqalı satılıwın jolǵa qoyıw mexanizmleri, qarjılandırıw máseleleri, onı tártipke salıw abzallıqları hám áhmiyetli ekenligine baylanıslı prezentaciyalar bolıp ótti.
Sabaqlarda úles kirgiziw tiykarında turaq jay qurıwdıń huqıqıy tiykarları hám mashqalaları, úlesli shártnamalardı mámleketlik dizimnen ótkeriw tártibi, turaq jaydıń qurılısında xalıq qarjılarınıń tolıq saqlanıwın kepillew sistemasın jaratıw boyınsha maǵlıwmatlar berildi.
Еksrou esap-betleri jańa sistema bolıp, ol bárinen burın, satıwshı (turaq jay qurıwshı) hám tutınıwshı arasındaǵı esap-sanaqlardıń qáwipsizligin támiyinleydi. Bankte ashılǵan eskrou esap-betine kirgizilgen tutınıwshılardıń qarjıları satıwshı esap betine shártnamada belgilengen barlıq talaplar orınlanǵanınan soń ótkeriledi. Onda bank biyǵárez dáldálshi sıpatında satıwshı hám tutınıwshı arasındaǵı shártlerdiń orınlanıwın baqlap baradı.
Sonlıqtan seminarda joybarlı qarjılandırıwdı engiziwdiń sırt el tájiriybesin úyreniwge keń orın berildi. Atap aytqanda, qurılıs dáwirinde shártnamalardı dizimnen ótkeriw procesi, kóshpeli múlk penen baylanıslı kelisimlerdi notarius tartılmaǵan halda rásmiylestiriw, turaq jay qurılısınıń birden bir sanlı platformasın qáliplestiriw mexanizmleri kórip shıǵıldı.
Sh.Mamaturopova, ÓzA