Usı jıldıń 15-mart kúni Qazaqstan Respublikası paytaxtı Astana qalasında bolıp ótken Oraylıq Aziya mámleketleri basshılarınıń másláhátlesiw ushırasıwında Nursultan Nazarbaev Oraylıq Aziya mámleketleriniń arasındaǵı sawda-ekonomikalıq baylanıslardıń kún sayın artıp baratırǵanın ayrıqsha atap ótti.
Sonday-aq, ol óz sózinde: “Miywe hám ovoshlar Ózbekstan jáne Tájikstanda mol ónim bermekte. Bizler bolsa elege shekem qulpınaydı Izraildan alıp kelemiz. Bul ápiwayı bir másele emes. Biz bul sawda sistemasın jolǵa qoyǵan ámeldarlardı qolǵa alıwımız kerek, olarǵa qońsılas ellerden alǵannan sol jerlerden alıp kelgen paydalı”, – dep aytıp ótti Nazarbaev. Bul haqqında Kun.uz basılımı xabar bermekte.
Qaraqalpaqstan xabar agentligi