Oʻzbekiston Respublikasi Prezidenti Turkiyaning gʻarbiy hududlarida yuz bergan tabiiy ofat – kuchli zilzila oqibatida insonlar qurbon boʻlgani, koʻplab fuqarolar jarohat olgani hamda katta talafot koʻrilgani munosabati bilan Turkiya Respublikasi Prezidenti Rejep Tayyip Erdogʻanga taʼziya yoʻlladi.

Davlatimiz rahbari halok boʻlganlarning oila aʼzolariga chuqur hamdardlik izhor etib, jarohatlanganlar tez fursatlarda shifo topishini tiladi.