Ushbu kitob jahonning koʻplab tillariga tarjima qilingan. “Mening hayotim” tarjimai hol kitobi. Ammo u muallif hayotigagina chizgilar bermaydi, balki tarjimai hol bahonasida Gandi oʻzining butun dunyoqarashini, hayotda koʻzlagan maqsadlarini oshkora va xolisona ifodalab beradi. M. Gandi oʻzining kechinmalariga boy hayoti bilan Hindiston xalqi uchungina emas, balki butun dunyo xalqlari uchun namuna boʻlib qoldi.

Nashriyot-matbaa ijodiy uyida hind adabiyotining asoschilaridan Robindranat Tagorning 8 jildlik asarlari ham nashrga tayyorlanmoqda. Bu majmua oxirgi marta 1953 yilda oʻzbek tilida chop etilgan boʻlgan.

Hindiston davlat madhiyasining muallifi R. Tagor asarlari jahonning koʻplab tillarida tarjima qilingan. Uning asarlari hind adabiyotining yuksak choʻqqisi hisoblanadi. Adibning nazm va nasrda yaratgan obrazlari oʻzining yuksak pafosi insoniylikni yorqin boʻyoqlarida tarannum etishi bilan oʻquvchilar qalbini zabt etgan. Nashrga tayyorlanayotgan ushbu kitoblar ham oʻzbek kitobxonlarga manzur boʻlishi tabiiy.