2024 yil Tailandda futzal bo‘yicha Osiyo chempionati bo‘lib o‘tadi. Musobaqaning saralash bosqichida 32 jamoa 8 guruhga bo‘lingan holda o‘zaro raqobatlashmoqda.
O‘zbekiston futzal milliy terma jamoasi va Iroq termasi saralash bosqichida “G” guruhidan joy olib, muddatidan oldin Osiyo kubogiga yo‘llanmani qo‘lga kiritdi. Bugun, 11 oktyabr kuni ushbu guruhda uchinchi tur o‘yinlari bo‘lib o‘tadi. Unda 6 ochkodan jamg‘argan O‘zbekiston va Iroq terma jamoalari o‘zaro bahslashadi.
Mazkur bahs soat 18:00 da “Samo” sport majmuasida bo‘lib o‘tadi.
Eslatib o‘tamiz, Farg‘ona shahrida o‘tayotgan saralash bosqichida O‘zbekiston futzal milliy terma jamoasi 1-turda Kambodjani 6:1, 2-turda esa Malayziyani 4:3 hisobida mag‘lubiyatga uchratdi.
Javohir Toshxo‘jayev, O‘zA