AQSHning Las-Vegas shahrida professional boks bo‘yicha o‘tkazilgan qiziqarli musobaqaning markaziy janglaridan biri hamyurtimiz Bektemir Meliqo‘ziyev va amerikalik Alantes Foks o‘rtasida kechdi.
AQSHning Nevada shtati Las-Vegas shahrida tashkil etilgan mazkur professional boks Meliqo‘ziyev jangga har jihatdan puxta tayyorgarlik ko‘rganini namoyish etdi.
Shiddatli jangda hamyurtimiz muddatidan avval g‘alabaga erishdi. Ketma-ket hujumlar amerikalik mahoratli bokschining texnik nokautga uchrashini ta’minladi.
Shu tarzda Bektemir Meliqo‘ziyev professional boksdagi 13 g‘alabasini tantana qildi.
Eslatib o‘tamiz, Bektemir Meliqo‘ziyev shu kungacha professional boksda 13 ta jang o‘tkazib, ularning 12 tasida g‘alaba qozongan. Amerikalik 31 yoshli Alantes Foks esa 33 ta jang o‘tkazib, 28 g‘alaba (13 ta nokaut), 4 mag‘lubiyat (2 ta nokaut) va 1 ta durang qayd etgan.
T. Ro‘ziyev, O‘zA