Tailandning Pxuket shahrida professional boks bo‘yicha “Chempionlar oqshomi” turniri bo‘lib o‘tdi.

Musobaqaning 51 kilogramm vazn toifasida hamyurtimiz Hasanboy Do‘smatov ispaniyalik Martin Molina Salvadorni mag‘lub etdi. Vazni 63,5 kilogrammgacha bo‘lgan charm qo‘lqop ustalari o‘rtasidagi bahslarda Mujibillo Tursunov qozog‘istonlik Muhammedsabir Bazarbay Uuluni taslim qildi.

Shuningdek 71 kilogrammgacha vaznda Asadxo‘ja Mo‘ydinxo‘jayev qozog‘istonlik Dulat Bekbauov ustidan g‘alaba qozondi.

G‘alaba qozongan har bir bokschimiz tashkilotchilar tomonidan 10 ming AQSH dollari pul mukofoti bilan taqdirlandi.

Javohir Toshxo‘jayev, O‘zA