Ubaydullayev Mirzohid Murodilovich O‘zbekiston Respublikasi Iqtisodiy taraqqiyot va kambag‘allikni qisqartirish vazirining o‘rinbosari – Mahallabay ishlash va tadbirkorlikni rivojlantirish agentligi direktori lavomizimiga tayinlandi.

Bu haqida vazirlik Axborot xizmati ma’lum qildi.

Mirzohid Ubaydullayev 1976 yilda Farg‘ona viloyati Farg‘ona shahrida tug‘ilgan, ma’lumoti oliy. 1999 yilda  Farg‘ona politexnika institutini tamomlagan. Shuningdek, O‘zbekiston Respublikasi Vazirlar Mahkamasi huzuridagi Oliy biznes maktabida tahsil olgan.

O‘z faoliyatini 1999 yilda Farg‘ona shahar Qirguli tuman hokimligi moliya bo‘limi budjet bo‘yicha iqtisodchisi sifatida boshlagan.

2005 yildan Farg‘ona viloyati G‘aznachilik boshqarmasi tizimida turli lavozimlarda ishlagan.

2014-2015 yillarda Farg‘ona viloyati hokimligi moliya boshqarmasi boshlig‘i,
2015- 2016 yillarda O‘zbekiston Respublikasi Oliy Majlisi Qonunchilik palatasining Byudjet va iqtisodiy islohotlar qo‘mitasi raisining o‘rinbosari lavozimida faoliyat yuritgan.

2016-2020 yillarda Farg‘ona viloyati Marg‘ilon shahar hokimi,
2020-2021 yillarda Farg‘ona viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiy taraqqiyot va kambag‘allikni qisqartirish bosh boshqarmasi boshlig‘i lavozimida ishini davom ettirgan.

Tayinlovga qadar Farg‘ona viloyati Farg‘ona shahri hokimi lavozimida ishlagan.

O‘zA