Prezident Shavkat Mirziyoyev bugun, 27 yanvar kuni yoshlar bandligini ta’minlash va bo‘sh vaqtini mazmunli tashkil etish masalalari yuzasidan o‘tkazilgan videoselektor yig‘ilishida shu haftada bitta viloyat hokimi va bitta vazir ishdan olinishini ma’lum qildi.

Lekin ularning ismlari oshkor qilinmadi, deya xabar bermoqda O‘zA muxbiri.

– Sadoqati bor, lekin aravani torta olmayotgani uchun ishdan olaman, eshitasizlar hali. Jonga tegdi bunaqa byurokratlar. Sekin-sekin bittadan viloyat hokimi, tuman hokimi, vazirlarni ham ishdan olib, o‘rniga yosh-yosh kadrlarni qo‘yaman. Qaysi vazir aravasini tortmayotganini bilaman. Bosh vazirga aytganman, o‘nta vazirni ishdan olishimiz kerak, deb. Ikkitasi ishdan olindi, lekin bu hali yetarli emas, – dedi Prezident.

O‘zA