Toshkent shahar IIBB tomonidan mazkur video oʻrganilib, oʻq uzgan kishining shaxsi aniqlandi.

Toshkent shahar IIBB matbuot xizmati xabariga koʻra, oʻq uzgan kishi – Toshkent viloyatilik 25 yoshli U.Salixov ekanligi maʼlum boʻldi. Uning soʻzlariga qaraganda, u qarindoshi boʻlmish kuyovga toʻy kuni kuyov-joʻralik qilgan. 19-sentyabr kuni kuyov va uning doʻstlari Chilonzor tumaniga, kelinning uyiga kelishganida U.Salixov keyinchalik “qiziqarli rolik” tayyorlash uchun bozordan sotib olgan oʻyinchoq toʻpponchani osmonga koʻtargan. Shu lahzalar videooperatorlar tomonidan tasvirga tushirilgan.

4-oktyabr kuni kechqurun Ulugʻbekning oʻzi videoni montaj qilib, oʻq uzish tovushlarini qoʻshgan va videoni instagram ijtimoiy tarmogʻidagi sahifasiga joylagan. Keyinchalik mazkur videoni internetda tarqatgan.