Oʻzbekiston Respublikasi Bosh vaziri Abdulla Aripov va Rossiya Federatsiyasi Bosh vaziri Mixail Mishustin oʻrtasida telefon orqali muloqot boʻlib oʻtdi. RF hukumati matbuot xizmati xabariga koʻra, suhbat davomida ikki mamlakat oʻrtasidagi savdo-iqtisodiy va ilmiy-texnikaviy hamkorlik doirasidagi qator masalalar muhokama qilindi. Shuningdek, muloqot chogʻida bugun videokonferensiya shaklida boʻlib oʻtishi rejalashtirilgan MDHga aʼzo mamlakatlar Hukumat rahbarlari kengashining majlisi munosabati bilan fikr almashilgan.
Mixail Mishustin va Abdulla Aripov ikki va koʻp tomonlama hamkorlik kun tartibi boʻyicha ham gaplashib oldilar.
OʻzA