Qoraqalpogʻiston Adliya vaziri tayinlandi

Qoraqalpogʻiston Adliya vaziri tayinlandi

Oʻzbekiston Respublikasi Adliya vazirining buyrugʻi bilan Mambetkadыrov Saylaubay Amanbayevich Qoraqalpogʻiston Respublikasi adliya vaziri lavozimiga tayinlandi.

S. Mambetkadыrov 1980-yilda Qoraqalpogʻiston Respublikasi Nukus shahrida tugʻilgan, maʼlumoti oliy, 2002-yilda Qoraqalpoq Davlat universitetini (sirtqi), 2004-yilda Qoraqalpoq Davlat universitetini magistratura boʻlimini (kunduzgi), 2013-yilda Oʻzbekiston Respublikasi Strategik tahlil va istiqbolni belgilash Oliy maktabini tamomlagan, mutaxassisligi huquqshunos.

U mehnat faoliyatini 2001-yilda Moʻynoq tuman markaziy kasalxonasining huquqiy maslahatchisi lavozimidan boshlab, 2004-2008-yillarda Qoraqalpogʻiston Respublikasi Adliya vazirligida turli lavozimlarda ishlagan.

S. Mambetkadыrov 2018-yildan shu kunga qadar Oʻzbekiston Respublikasi Oliy sudining sudyasi lavozimida faoliyat yuritib kelgan.

Adliya vazirligi jamoasi Saylaubay Amanbayevichni ushbu tayinlov bilan muborakbod etadi. Kelgusi ishlarida omad va zafarlar tilaydi.

 

UzA

  05.03.2020, 07:53  |    171 marta ko'rildi

Raxmat

Sayt administratsiyasi xato matn haqida ogohlantirildi!