Ajiniyoz nomidagi Nukus davlat pedagogika institutida umumiy 1 ming 756 o‘rinlik 6 ta talabalar turar joyi 2024-2025 o‘quv yili uchun tayyorlab qo‘yildi.

Jumladan, Nukus shahrida talaba qizlar uchun 576 o‘rinli, erkak talabalar uchun 93 o‘rinli, Ellikqal’a tumanida 225 o‘rinli, shu bilan birga, davlat-xususiy sheriklik asosida Nukus shahrida 3 joyda – 100, 362 hamda 400 o‘rinli talabalar turar joyi faoliyat olib bormoqda. Shuningdek, institut atrofidagi mahallalardan 200 ga yaqin ijara uyning sharoitlari o‘rganilib, yangi o‘quv yiliga tayyorlab qo‘yildi.

Talabalarni turar joylar va ijara uylariga joylashtirishga ko‘maklashish maqsadida 4 ta o‘rinda ma’lumot markazi faoliyati yo‘lga qo‘yilgan.

Dovud Abibullayev, O‘zA muxbiri.