Joriy yil 14-iyun-14-iyul kunlari Germaniyada bo‘lib o‘tadigan futbol bo‘yicha Yevropa chempionati final bosqichining barcha ishtirokchilari aniqlandi. Millatlar ligasi pley-off o‘yinlaridan so‘ng shakllantirilgan yakuniy tarkibdan Gruziya, Ukraina va Polsha terma jamoalari ham o‘rin oldi. Avvalroq musobaqaga Germaniya, Portugaliya, Fransiya, Belgiya, Shotlandiya, Ispaniya, Turkiya, Avstriya, Angliya, Vengriya, Slovakiya, Albaniya, Daniya, Shveysariya, Niderlandiya, Ruminiya, Serbiya, Italiya, Sloveniya, Chexiya va Xorvatiya yo‘llanma olgandi.
Yevropa chempionligi uchun o‘yinlar Berlin, Gamburg, Gelzenkirxen, Dortmund, Dyusseldorf, Keln, Leypsig, Myunxen, Frankfurt va Shtutgart shaharlarida bo‘lib o‘tadi.
To‘lqin Ro‘ziyev,
O‘zA