Joriy yilning 15-aprel – 3-may kunlari Qatar futbol maydonlarida “Parij-2024” Olimpiya o‘yinlariga yo‘llanma beruvchi U-23 Osiyo kubogi bahslari bo‘lib o‘tadi.
Timur Kapadze bosh murabbiyligidagi O‘zbekiston U-23 terma jamoasi Osiyo kubogining “D” guruhida Vetnam, Kuvayt, Malayziya terma jamoalari bilan Olimpiada yo‘lidagi bahslarda maydonga tushadi.
Mazkur kubok o‘yinlari oldidan mart oyining so‘nggi kunlarida tashkil etiladigan FIFA kunlarida O‘zbekiston terma jamoasi futbolchilari o‘quv-mashg‘ulot yig‘inini Dohada o‘tkazadi. Ushbu yig‘in doirasida yoshlar terma jamoamiz Qatar U-23 terma jamoasi bilan o‘rtoqlik o‘yinida maydonga tushadi.
Shu munosabat bilan Timur Kapadze Qatarda o‘tadigan o‘quv-mashg‘ulot yig‘inida qatnashadigan O‘zbekiston U-23 terma jamoasi a’zolari ro‘yxatini e’lon qildi.
T.Ro‘ziyev,
O‘zA