Bugun, 23 fevral kuni Shveysariyaning Non shahrida futbol bo‘yicha Yevropa ligasining 1/8 final bosqichiga qur’a tashlash marosimi bo‘lib o‘tdi.

Qur’a tashlash marosimida 16 ta klub ishtirok etdi. Guruh bosqichida birinchi o‘rinni egallagan sakkizta jamoa va pley-offning sakkizta g‘olibi. Ikki o‘yin natijasiga ko‘ra g‘olib chiqqan jamoalar aprel oyida chorak finalda ishtirok etadi.

1/8 final juftliklari quyidagicha ko‘rinish oldi: 

“Sparta” (Praga) – “Liverpul”

“Marsel” – “Vilyarreal”

“Roma” – “Brayton”

“Benfika” – “Reyndjers”

“Frayburg” – “Vest Xem”

“Sporting” – “Atalanta”

“Milan” – “Slaviya” (Praga)

“Qorabog‘” – “Bayer”

Dastlabki o‘yinlar 7 mart kuni, javob o‘yinlari 14 mart kuni o‘tkaziladi. G‘oliblar chorak finalga yo‘l oladi. Ushbu bosqichga qur’a tashlash marosimi 15 mart kuni bo‘lib o‘tadi.

Yevropa ligasi final o‘yini esa 22 may kuni Irlandiyaning Dublin shahridagi “Aviva” stadionida o‘tkaziladi.

T.Ro‘ziyev, O‘zA