Poytaxtimizda bo‘lib o‘tayotgan  qilichbozlik bo‘yicha O‘zbekiston kubogi doirasida yoshlar o‘rtasida qilichbozlikning shpaga yo‘nalishi bo‘yicha yakkallik bahslari tashkil etildi. Unda  110 nafardan ortiq sportchi o‘zaro g‘oliblik uchun raqobatlashdi.

Musobaqaning qizlar o‘rtasidagi bahslarida Dilnaz Murzatayeva oltin, Aziza Hamidova kumush medalni qo‘lga kiritdi. Shuningdek, Shahzoda Egamberdiyeva hamda  Bibimaryam Saparova bronza medali bilan taqdirlandi.

Kubok bahslarining o‘g‘il bolalar o‘rtasidagi bellashuvlarida Muhammadyusuf Sidiqov, Umar Olimjonov, Azamat Hudoybergenov, Meyirxan Timurov shohsupaga ko‘tarildi.

O‘zbekiston kubogi musobaqalari davom etmoqda.

Javohir Toshxo‘jayev, O‘zA