FOTOREPORTAJ
Qoraqalpog‘iston Respublikasi tarixi va madaniyati davlat muzeyida «Shukrona bayram muborak bo‘lsin!» shiori ostida bayram tadbiri o‘tkazildi. Unda madaniyat va san’at sohasi xodimlari, o‘quvchi va talaba yoshlar hamda keng jamoatchilik ishtirok etdi.
Bayramda tajribali rassomlar tomonidan tasviriy san’atga qiziquvchi yoshlar uchun mahorat darslari, hunarmandchilik mahsulotlari namoyishi, milliy va zamonaviy kiyimlar ko‘rgazmasi tashkil etildi. Folklor ansamblning milliy chiqishlari, taniqli san’atkorlar va yosh iste’dodlarning sho‘x kuy-qo‘shiqlari va go‘zal raqslari barchada katta taassurot qoldirdi.
Tadbirda faol qatnashgan milliy madaniyat markazlari, folklor jamoalar va madaniyat markazlari, ta’lim dargohlari va qator davlat va jamoat tashkilotlari vakillari diplom va esdalik sovg‘alari bilan taqdirlandi.
Maqsad HABIBULLAEV (surat), O‘zA