Fransiya poytaxti Parijda o‘tkazilgan “The Best” taqdirlash marosimida yilning eng yaxshilari hamda FIFAning ramziy terma jamoasi e’lon qilindi.
Unga ko‘ra, ramziy terma jamoaga darvozabon: Tibo Kurtua («Real», Belgiya), himoyachilar: Ashraf Hakimi («PSJ», Marokash), Joau Kanselu («Bavariya»,«Manchester Siti», Portugaliya), Virjil van Deyk («Liverpul», Niderlandiya), yarim himoyachilar: Kevin De Bryoyne («Manchester Siti», Belgiya), Luka Modrich («Real», Xorvatiya), Kazemiro («Manchester Yunayted», Braziliya), hujumchilar: Lionel Messi, («PSJ», Argentina), Karim Benzema («Real», Fransiya), Kilian Mbappe («PSJ», Fransiya), Erling Xoland («Manchester Siti», Norvegiya).
Taqdirlash marosimida Lionel Messi – 2022 yilning eng yaxshi futbolchisi deb topildi. Ushbu sovrin uchun asosiy nomzodlar orasida Karim Benzema va Kilian Mbappe ham bor edi.
Yilning eng yaxshi murabbiyi sovrini Argentina terma jamoasi ustozi Lionel Skaloniga nasib etdi.
Eng yaxshi darvozabon sovrinini ham argentinalik qo‘lga kiritdi. Argentina terma jamoasi darvozaboni Emiliano Martines ushbu sovringa ega chiqdi, deyiladi FIFA xabarida.
Ma’lum qilinishicha, FIFAning so‘nggi uch yildagi daromadi 7,6 milliard dollarni tashkil etgan.
T.Ro‘ziyev,
O‘zA