Өзбекстан Республикасы Президентиниң пәрманы
Елимизде сөз ҳәм баспасөз еркинлиги, ашық-айдынлық принциплерин беккемлеў, пуқаралардың мәлимлеме тараўындағы конституциялық ҳуқықларын тәмийинлеў бойынша әмелге асырылып атырған демократиялық өзгерислер процесслерине қосып атырған үлкен үлеси, глобал мәлимлеме майданында миллий мәплеримизди қорғаў, жаңа Өзбекстанды қурыў жолында ерисилип атырған жетискенликлерди кеңнен үгит-нәсиятлаўдағы мүнәсип хызметлери, заманагөй журналистика системалары ушын жоқары қәнигели профессионал кадрларды таярлаў, жас әўладты ана Ўатанға муҳаббат ҳәм садықлық руўхында тәрбиялаў бағдарындағы нәтийжели жумысы және жәмийетлик турмысқа белсене қатнасы ушын төмендегилер ҳүрметли атақ, орден ҳәм медальлар менен сыйлықлансынҮ
Қарақалпақстан Республикасы бойынша:
«Дўстлик» ордени менен
Абибуллаев Даўыт Есемуратович – Өзбекстан Миллий мәлимлеме агентлигиниң Қарақалпақстан Республикасы бойынша шолыўшысы
«Шуҳрат» медалы менен
Қаллыханова Лолагүл Оразғалиевна – «Makan.uz» веб-сайты бас редакторы
Утемуратов Фурхат Юсупович- Хожели районы «Хожели ҳақыйқаты» газетасы бас редакторының орынбасары
Шарапова Ырысгүл Боранбаевна-«Қарақалпақстан» радиоканалының «Хабар» мәлимлеме-аналитикалық бағдарламалары бас редакциясы бөлим баслығы
Өзбекстан Республикасы
Президенти Ш.МИРЗИЁЕВ
Ташкент қаласы,
2021-жыл 25-июнь